Gjashtë qytete të Zvicrës renditen më të shtrenjtat në botë

Qytetet më të shtrenjta në botë ndodhen në Zvicër

Sipas renditjes së re për vitin 2026 nga databaza online Numbeo, e cila bazohet në të dhëna të mbledhura nga përdoruesit, Cyrihu, Gjeneva, Bazeli, Lozana, Lugano dhe Berna renditen, në këtë renditje, si qytetet më të shtrenjta në botë mes gjithsej 479 qyteteve të përfshira në analizë, transmeton albinfo.ch.

Në përgjithësi, kostoja e jetesës në këto qytete zvicerane është më e lartë edhe se në Nju Jork, i cili njihet gjerësisht si një nga qytetet më të shtrenjta dhe që në këtë renditje zë vendin e shtatë, menjëherë pas qyteteve të Zvicrës.

Megjithatë, pavarësisht çmimeve të larta, të gjashtë qytetet zvicerane kryesojnë gjithashtu për fuqi blerëse, një tregues që llogaritet mbi bazën e pagës neto mesatare të banorëve./Albinfo.ch

---