Shqiptari kapet në Itali me 30 kg kokainë, vlera miliona euro

Photo ilustrim

Një shqiptar 28-vjeçar është arrestuar në Itali nga karabinierët, pasi u kap duke transportuar rreth 30 kilogramë kokainë të pastër, e cila vlerësohet me miliona euro në treg.

Sipas autoriteteve italiane, operacioni u zhvillua në rajonin e Milanos tre ditë më parë. Shqiptari u vu në pranga nga patrulla e karabinierëve, të cilët vunë re lëvizje të dyshimta të tij në Cologno Monzese, në periferi lindore të Milanos, pranë unazës Tangenziale Est.

Gjatë kontrollit të automjetit të tij, oficerët gjetën 26 pako që përmbanin rreth 30 kilogramë kokainë. I arrestuari u dërgua në burg me urdhër të Prokurorisë së Monzës, në pritje të hetimeve dhe gjykimit.

Ngarkesa e madhe ka shtuar dyshimet për përfshirjen e tij në një rrjet të organizuar trafiku të drogës në zonë, ndërsa fitimet e mundshme nga ky veprim llogariten në miliona euro.