Trump në Davos: Vetëm SHBA mund ta sigurojë Grenlandën

Donald Trump thotë se asnjë vend në botë përveç Shteteve të Bashkuara nuk mund ta sigurojë Grenlandën

Presidenti amerikan, Donald Trump, po mban fjalim para liderëve botërorë në forumin e Davosit në Zvicër.

Ai e nisi fjalimin me Amerikën, me saktë, me ekonominë amerikane, duke e lavdëruar atë. “Ekonomia po lulëzon”, tha ai, transmeton albinfo.ch.

Trump thotë se Evropa “nuk po shkon në drejtimin e duhur”, duke shtuar se “pjesë të Evropës janë bërë të panjohura”.

Sipas tij, “përqendrimi në energjinë e gjelbër dhe migrimi masiv po e lëndojnë Evropën”.

“E dua Evropën, dua ta shoh atë mirë, por nuk po ec në drejtimin e duhur”.

Trump thotë se asnjë vend në botë përveç Shteteve të Bashkuara nuk mund ta sigurojë Grenlandën.

Ai thekson para liderëve botërorë në Davos së Shtetet e Bashkuara kërkojnë bisedime të menjëhershme për ta përvetësuar Grenlandën.

“Nuk do ta përdor forcën”, nënvizon ai.

---