Demonstratë kundër Forumit Ekonomik Botëror shkakton trazira në Cyrih, digjet flamuri amerikan

(KEYSTONE/Michael Buholzer)

Një demonstratë kundër Forumit Ekonomik Botëror (WEF) në Cyrih ka shkaktuar përleshje dhe ndërhyrje policore. Rreth 2000 protestues marshuan në rrugët kryesore, duke bllokuar transportin publik dhe përdorur petarda dhe tym të kuq. Bloku i Zi, pjesë e tubimit, dëmtoi dritare dyqanesh dhe sulmoi kompaninë Nestlé, transmeton albinfo.ch.

Policia përdori ujë dhe rrethoi demonstruesit; disa u lënduan, përfshirë një person që u bë i pavetëdijshëm. Demonstruesit hodhën parulla kundër WEF, SHBA-së dhe McDonald’s, dhe digjën një flamur amerikan.

Pas përfundimit të marshit, rrugët u liruan dhe transporti publik gradualisht rifilloi funksionimin normal.