SBB-së i lejohet të zgjerojë linjën Zurich-Winterthur

Zgjerimet e planifikuara do të kushtojnë afërsisht 3.3 miliardë franga zvicerane dhe do të zgjasin 10 vjet

SBB (Hekurudhat Federale Zvicerane) mund të zgjerojë linjën hekurudhore midis Zurichut dhe Winterthurit. Gjykata Federale Administrative ka hedhur poshtë ankesat lidhur me këtë çështje që janë ende në pritje.

Me vendimin e gjykatës, programi përfundimtar i ndërtimit tani mund të vendoset, njoftoi SBB, transmeton albinfo.ch. Puna paraprake për zgjerimin e kësaj linje hekurudhore është planifikuar të fillojë së shpejti, raporton srf.ch.

E gjithë periudha e ndërtimit do të zgjasë dhjetë vjet. Më pas, një numër më i madh i trenave S-Bahn (hekurudhë lokale) dhe trena me distanca të gjata do të kalojnë midis Winterthurit dhe Zurichut.

Linja hekurudhore midis Zurichut dhe Winterthurit është një nga më të ngarkuarat në Zvicër. SBB e nisi projektin e madh në verën e vitit 2023.

Zgjerimet e planifikuara do të kushtojnë afërsisht 3.3 miliardë franga zvicerane.

---