Kritika të reja ndaj drejtësisë së Valisit në rastin Crans-Montana

Ndër të tjera, telefonat inteligjentë të pronarëve të barit u konfiskuan vetëm tetë ditë pas katastrofës

Dosjet që lidhen me hetimin penal për zjarrin në Crans-Montana në Valis kanë zbuluar mangësi të mëdha në hetim, transmeton albinfo.ch mediat zvicerane. Ndër të tjera, telefonat inteligjentë të pronarëve të barit u konfiskuan vetëm tetë ditë pas katastrofës, raportoi gazeta “NZZ am Sonntag”, duke cituar dokumente hetimore.

Zyra e prokurorit publik gjithashtu i trajtoi anëtarët e autoriteteve të Valisit tepër butësisht, përfundon gazeta.

Kështu, shefit të sigurisë të komunës Crans Montn iu lejua të dorëzonte personalisht dokumente që lidhen me barin në zyrën e prokurorit publik dy ditë pas zjarrit – pavarësisht një konflikti interesi. Dosjet gjithashtu konfirmojnë, sipas gazetës, se zyra e prokurorit publik me sa duket harroi të kryente autopsi mbi viktimat.

Dokumentet sugjerojnë më tej, sipas “NZZ am Sonntag”, se apartamenti i pronarëve të barit nuk u kontrollua. As zyra e prokurorit publik dhe as avokatët e pronarëve të barit nuk komentuan asgjë rreth kësaj.

---