Thirrje për mërgimtarët që nesër të shmangin rrugën kah Kastrati i Kurshumlisë

Qendra Kombëtare për Menaxhim Kufitar në Kosovë u ka bërë thirrje mërgimtarëve dhe qytetarëve që do të shfrytëzojnë rrugën kah Serbia të mërkurën (24 dhjetor) të gjejnë një rrugë tjetër për shkak të një proteste të paralajmëruar në fshatin Kastrat të Kurshumlisë.

Protesta pritet të nisë nga ora 11:50 deri në orën 15:50, transmeton albinfo.ch.

“Duke u bazuar në burimet e hapura-mediat online, më datë, 24 Dhjetor 2025, është paralajmëruar bllokadë e rrugës, nga banorët lokal në segmentin rrugor, në fshatin Kastrat të Kurshumlisë (SRB), nga ora 11.50 deri në ora 15.50. Ju inkurajojmë, që të shfrytëzoni rrugë tjera, me qëllim të evitimit të pengesave në rrugë”, thuhet në njoftim. “Për çdo informatë shtesë, ju lutem kontaktoni në numrat e QKMK-së +38345198000, +38345198606 dhe 080050095”.