Gjenevë: Shumë fëmijë po blejnë alkool

(KEYSTONE/Gaetan Bally)

Në Gjenevë, autoritetet po e mbajnë nën vëzhgim shitjen e alkoolit tek të miturit.

Këtë vit, Shërbimi i Çështjeve të Konsumatorit kreu blerje testuese në të gjithë kantonin për të kontrolluar nëse dyqanet respektojnë ndalimin e shitjes së pijeve alkoolike për personat nën 18 vjeç – ose birrës dhe verës për personat nën 16 vjeç.

Rezultati: në 14 përqind të rasteve, alkooli u shit ilegalisht. Kjo konsiderohet shumë e lartë, transmeton albinfo.ch.

Inspektorët testuan gati 200 blerje, kryesisht pije alkoolike si vodka dhe Martini, si në lagjet e qytetit ashtu edhe në zonat periferike.

Zyrtarët e shëndetësisë thonë se shifrat tregojnë se inspektimet mbeten shumë të nevojshme.