Lirohet nga burgu ish-presidenti i Francës, Nicolas Sarkozy

Ish-presidenti i Francës, Nicolas Sarkozy, do të lirohet nga burgu pasi një gjykatës vendosi se ai mund ta vuajë pjesën tjetër të dënimit në shtëpi.

Sarkozy ka filluar vuajtjen e dënimit më 21 tetor, pasi një gjykatë e Parisit i dha atij një dënim me pesë vjet për konspiracion kriminal mbi një skemë për të marrë fonde të fushatës zgjedhore për garën e tij presidenciale të vitit 2007 nga regjimi i diktatorit të ndjerë libian, Muammar Gaddafi, transmeton albinfo.ch.

Ai mohon shkeljet dhe ka apeluar kundër këtij vendimi, teksa një gjykatë apeli e Parisit sot miratoi kërkesën e Sarkozyt për lirim për të vuajtur dënimin e tij në shtëpi me kontrolle të rrepta gjyqësore. 

Sipas kushteve të lirimit të tij, Sarkozyt do t’i ndalohet kontakti me ndonjë zyrtar nga ministria e Drejtësisë dhe largimi nga Franca.