Presidenti amerikan: I kam dhënë fund 8 konflikteve, por nuk e bëra për Nobelin

(AP Photo/Luis M. Alvarez)

Presidenti i Shteteve të Bashkuara të Amerikës, Donald Trump ka deklaruar se i ka dhënë fund 8 konflikteve në të gjithë botën, por këtë gjë nuk e ka bërë për të fituar Nobelin e Paqes.

Në pritjen që i bëri Presidentit të Finlandës, Alexander Stubb, Trump deklaroi se askush në histori nuk i ka dhënë fund tetë luftërave në nëntë muaj.

“… Dhe unë i ndalova tetë luftëra. Por, ata që japin Çmimin Nobel e dinë vetë punën e tyre. Janë të zotë në atë që bëjnë. Nuk e bëra për të fituar çmimin. E bëra për të shpëtuar shumë jetë”, tha ai, transmeton albinfo.ch.

Trump u referohet këtyre konflikteve: Armeni-Azerbajxhan, Republika Demokratike e Kongos-Ruanda, Izrael-Iran, Indi-Pakistan, Kamboxhia-Tajlandë, Egjipt-Etiopi, si dhe një marrëveshje e pjesshme midis Kosovës dhe Serbisë, gjatë mandatit të tij të parë presidencial.