Një i vdekur në Francë për shkak të zjarreve

1,820 zjarrfikës po përpiqen ta vënë nën kontroll zjarrin

Raportohet se një person ka vdekur si pasojë e një zjarri në rajonin Aude, në Francën jugore, ka bërë të ditur autoriteti lokal të mërkurën, përcjell albinfo.ch.

Prefektura e Aude ka thënë në një deklaratë se zjarri po përparon “shumë shpejt” dhe se 1.820 zjarrfikës po përpiqen ta vënë nën kontroll, raporton Reuters.

Rreth 2.500 familje në zonë janë aktualisht pa energji elektrike, ka bërë të ditur prefektura.

Presidenti francez Emmanuel Macron ka shkruar në X vonë të martën se të gjitha burimet e qeverisë po mobilizohen për të luftuar zjarrin në Aude.

---