Alba Festival 2025: Festa shqiptare në zemër të Cyrihut

Kasernenareal është shndërruar në një hapësirë ku gjuha, kultura dhe muzika shqipe bashkojnë zemra nga e gjithë diaspora

Pavarësisht temperaturave të larta, që nga ora 14:00 mijëra të rinj e kanë vërshuar zemrën e Cyrihut për të festuar nën ritmet e muzikës shqiptare. Në edicionin e sivjetmë të Alba Festival, nuk kanë munguar as të rinjtë që kanë ardhur jo vetëm nga Zvicra, por edhe nga vende të tjera të Evropës, për të qenë pjesë e festivalit më të madh shqiptar në Evropë.

Kasernenareal është shndërruar në një hapësirë ku gjuha, kultura dhe muzika shqipe bashkojnë zemra nga e gjithë diaspora.

Atmosfera elektrizuese, ritmet moderne dhe interpretimet e artistëve më të njohur shqiptarë i kanë bërë pjesëmarrësit të harrojnë vapën në ditën e parë, duke vallëzuar pa pushim nën qiellin e hapur. Festivali nisi pa asnjë incident, duke dëshmuar një organizim të shkëlqyer dhe një publik që di të festojë me kulturë dhe pozitivitet.

Pas ditës së parë të jashtëzakonshme, sonte është radha për artistët tjerë të performojnë në Alba Festival.

Alba Festival po zhvillohet për herë të katërt. Këtë vit, po zhvillohet në Kasernenareal në zemër të Cyrihut.

Artistë si Ledri Vula, Era Istrefi dhe Adelina Ismaili janë emrat të njohur që kanë madhështuar këtë festival.

Ky është festivali më i madh të muzikës shqipe në Evropë, njofton albinfo.ch, që është sponsor medial i këtij Festivali.

FOTO:

Sot do të performojnë artistë të njohur si Azet, Xhensila, Era Istrefi, Alban Skenderaj, Yll Limani, etj.

---