Ansambli “Trojet” përfaqëson shqiptarët në festën e Kreuzlingen-it

Ngjarja do të mbahet në Boulevard Kreuzlingen, të shtunën, më 21 qershor 2025, nga ora 11:00 e paradites deri në mesnatë

Këtë të shtunë, më 21 qershor 2025, komuniteti shqiptar në Kreuzlingen do të jetë i përfaqësuar si gjithmonë në kuadër të ngjarjes shumëkulturore CHRÜZLINGER FÄSCHT – 10 Vjetori  Jubilar.

Në këtë festë madhështore, shqiptarët do të kenë këndin e tyre të veçantë përmes një tende të kuruar me kujdes, ku do të prezantojnë me krenari kulturën shqiptare, turizmin, gatimet dhe pijet tradicionale nga vendlindja.

“Me këtë rast, Ansambli TROJET (Winterthur) ka kënaqësinë t’ju njoftojë se është i ftuar të përfaqësojë kulturën tonë shqiptare në këtë ngjarje që do të mbahet në Boulevard Kreuzlingen, të shtunën, më 21 qershor 2025, nga ora 11:00 e paradites deri në mesnatë”, thuhet në një njoftim të dërguar nga ansambli në fjalë.

---