SHBA: Arrestohet 57-vjeçari i dyshuar për atentatin ndaj ligjvënësve demokratë

FBI agents gather near the finish line of the Boston Marathon in Boston Tuesday, April 16, 2013. The bombs that ripped through the crowd at the Boston Marathon, killing at least three people and wounding more than 170, were fashioned out of pressure cookers and packed with shards of metal, nails and ball bearings to inflict maximum carnage, a person briefed on the investigation said Tuesday. (AP Photo/Winslow Townson)

Një burrë 57-vjeçar është arrestuar në Minesotë nën dyshimin për vrasjen e ligjvënëses shtetërore demokrate Melissa Hortman dhe bashkëshortit të saj, Mark, në një ngjarje të cilësuar si “vrasje e motivuar politikisht”, shkruan BBC, transmeton albinfo.ch.

I dyshuari, Vance Luther Boelter, u ndalua të dielën në mbrëmje pas një kërkimi dy-ditor që autoritetet e përshkruan si më të madhin në historinë e shtetit. Ai u kap në mënyrë paqësore në një zonë rurale rreth 80 kilometra në perëndim të Minneapolis, teksa ishte i armatosur.

Sipas policisë, Boelter dyshohet gjithashtu se ka plagosur rëndë senatorin demokrat të shtetit, John Hoffman, dhe bashkëshorten e tij, Yvette, të cilët ndodhen në gjendje stabile në spital. “Jemi jashtëzakonisht me fat që jemi gjallë”, tha zonja Hoffman pas ngjarjes.

Guvernatori i Minesotës, Tim Walz, e quajti sulmin “një akt të papërshkrueshëm që ka ndryshuar shtetin e Minesotës”. Ai shtoi se dhuna nuk mund të jetë mënyra për të adresuar dallimet politike. Kryebashkiaku i Minneapolis, Jacob Frey, vlerësoi punën e forcave të sigurisë, duke theksuar se “dhuna politike është e neveritshme dhe një sulm ndaj themeleve të demokracisë” , transmeton albinfo.ch.

Boelter, ish-anëtar i bordit shtetëror të zhvillimit të fuqisë punëtore, kishte pasur më herët lidhje institucionale me senatorin Hoffman. Ai është përshkruar si kontraktor sigurie dhe misionar fetar me përvojë në Afrikë dhe Lindjen e Mesme. Në rrjete sociale, ai shfaqej duke predikuar si pastor në Republikën Demokratike të Kongos.

Autoritetet zbuluan në automjetin e Boelter një listë me emra zyrtarësh të lartë, që besohet se ishin objektiva të mundshëm. Sipas raportimeve të mediave lokale, në listë përfshiheshin Guvernatori Tim Walz, kongresmenja Ilhan Omar dhe Prokurori i Përgjithshëm i Minesotës, Keith Ellison. Hetuesit kanë kontaktuar autoritetet në disa shtete për të njoftuar individët që ndodheshin në listë.

Boelter thuhet se ishte shtirur si oficer policie për të kryer sulmet, përpara se të shkëmbente zjarr me policinë dhe të arratisej nga vendi i ngjarjes.

Melissa Hortman kishte shërbyer në Dhomën e Përfaqësuesve të Minesotës për dy dekada dhe ishte kryetare e saj nga viti 2019 deri në 2025. Vrasja e saj ka shkaktuar një valë tronditjeje dhe reagimesh në të gjithë vendin, ndërsa hetimet vazhdojnë për të zbuluar plotësisht motivet dhe rrethanat e ngjarjes së rëndë, transmeton albinfo.ch.