Paga më e mirë minimale në Australi

Raporti "OECD" (Organisation for Economic Co-operation and Development) tregon se Australia paguan më së miri pagën minimale për punëtorët.

Raporti përfshin 27 vende që kanë miratuar pagën minimale në shtetet e tyre.

Minimalja më e lartë në Australi është 15.96 dollarë australianë për një orë pune.

Vende të tjera gjithashtu kanë pagesa më të lartë minimale për një orë pune, por taksat janë më të mëdha dhe punëtorët marrin më pak se australianët.
SHBA është në vendin e 11-të në këtë renditje me 7.25 dollarë. Me taksa pagat janë 6.26 dollarë në orë. Raporti “OECD” tregon se një australian me dy fëmijë mund të punojnë vetëm 6 orë në javë për të qenë mbi kufirin e varfërisë për shkak se ndihmohet nga shteti. Në SHBA i njëjti punëtor duhet të punojë 50 orë në javë, për të qëndruar mbi pragun e varfërisë, ndërsa në Republikën Çeke 79 orë.

8 shtetet e OECD-së nuk janë përfshirë në studim, sepse nuk kanë ligj për pagat minimale. Në mesin e tyre janë Finlanda, Suedia dhe Zvicra. Në disa prej këtyre vendeve kanë sindikata të forta për të negociuar kushte më të mira pune për punëtorët dhe nuk ka nevojë që qeveria të ndërhyjë në rregulloret.