Sekretari i Thesarit thotë se firmat zvicerane duan të investojnë deri në 200 miliardë CHF në SHBA

(KEYSTONE/Alessandro Della Bella)

Sipas Sekretarit të Thesarit të SHBA-së, Scott Bessent, kompanitë zvicerane kanë treguar interesin e tyre për të investuar 150–200 miliardë CHF (180–240 miliardë dollarë) në Shtetet e Bashkuara. Ai pret një propozim zviceran për një deklaratë qëllimi brenda javës së ardhshme.

Uashingtoni duket se dëshiron të lëvizë edhe më shpejt se presidentja zvicerane Karin Keller-Sutter. Të premten, ajo njoftoi për shtypin se deklarata e qëllimit do t’u paraqitej autoriteteve amerikane “brenda një deri në dy javë”.

Një ditë pas takimit me presidenten zvicerane dhe ministrin e Ekonomisë, Guy Parmelin, në Gjenevë, Bessent shkroi në mediat sociale se Shtetet e Bashkuara donin që kjo fazë të përfundonte “deri në javën e ardhshme”, transmeton albinfo.ch.

Deklarata do t’i dorëzohet Përfaqësuesit të Tregtisë së SHBA-së, Jamieson Greer, shkruan swissinfo.

“Ne jemi optimistë për shpejtësinë e këtyre negociatave”, deklaroi sekretari amerikan i Thesarit, duke shtuar se ishte “i kënaqur” nga dëshira e përbashkët për të përshpejtuar bisedimet.

Bessent tha se, “falë politikave të Presidentit Trump”, kompanitë zvicerane kanë treguar interesin e tyre për të investuar 150–200 miliardë CHF në SHBA