albinfo.ch
Kultura
Elhaida Dani: Besoni tek unë!
Përfaqësuesja e Shqipërisë, Elhaida Dani, sonte do të prezantohet në skenën e festivalit të Eurovizionit.
Elhaida Dani është gati për të shfaqur gjithë talentin e saj në Eurovizion. Përfaqësuesja e Shqipërisë, e cila qe disa ditë po qëndron në Vjenë të Austrisë, tashmë ka përfunduar të gjitha përgatitjet dhe ajo po e pret momentin për të “shpërthyer” në skenën e Eurovizionit.
Elhaida, e cila të martën do të paraqitet në natën e parë të gjysmëfinales së Eurovizionit, është e bindur se kënga e saj “Im live” do të vlerësohet nga juria dhe publiku. Pjesëmarrjen në Eurovizion e konsideron si përvojën më të mirë në karrierën e saj profesionale.
“Të marrësh pjesë në një nga ngjarjet më të mëdha botërore të muzikës natyrisht se është emocionuese. Kjo është një mundësi unike dhe unë do të bëj çmos që ta përfaqësoj Shqipërinë sa më denjësisht në Eurovizion”, ka thënë Elhaida për mediat austriake, transmeton albinfo.ch.
Elhaida me këngën “Diell” fitoi festivalin e RTSH-së, i cili ka edhe licencën për përfaqësuese të Shqipërisë në Eurovizion. Në kohën kur Elhaida kishte filluar të mendonte për pjesëmarrjen e saj me këtë këngë në Eurovizion, kompozitori i këngës “Diell” vendos që kënga e tij të mos marrë pjesë në këtë festival. E gjendur në një udhëkryq dhe kur i kishin mbetur vetëm pak ditë para se kënga duhej të dorëzohej në Eurovizion, ajo këngën e re ua beson dy djemve nga Kosova, Zzap & Chriss. “Ishte një moment shumë i vështirë për mua. Unë nuk kam besuar kurrë që mund ta realizojmë këngën “Im live” për pak ditë. Qëndruam gjatë tërë kohës në studio derisa kënga përfundoi ashtu siç ne dëshiruam”, ka thënë ajo, duke shtuar se “Im live” është kënga që e ndjen dhe e këndon me gjithë shpirt.
Fituesja e talent show “The Voice Italia” dhe e shumë festivaleve të tjera shqiptare është e bindur se do të arrijë të hyjë në finale. “Shumë fansa të mi shqiptarë dhe të huaj më kanë përgëzuar për punën time. Unë do të mundohem të tregoj më të mirën nga vetja që t’i bëj të lumtur të gjithë”, është shprehur Elhaida.
Këngëtarja Dani në skenë do të shfaqet bashkë me tri vokaliste, ndërsa për veshjet e saj është përkujdesur kreatori nga Prishtina, Valdrin Sahiti.
Për ta mbështetur Elhaiden në Vjenë qëndrojnë edhe kompozitorët e këngës “Im live”, por ajo do ta këtë përkrahjen e gjithë publikut shqiptar kudo që ndodhen.
E-Diaspora
-
Shkolla verore “Jam shqiptar”, nisin aplikimet për edicionon e dytë Kujtojmë se vitin e kaluar për herë të parë Qendra e Botimeve për Diasporën organizoi shkollën...
-
Pse banorët e huaj të pasur kanë më shumë gjasa të bëhen shtetas zviceranë?
-
Lucern: Dënohet me nëntë vjet burgim tregtari shqiptar i drogës
-
Mbi një mijë punëtorë shëndetësorë kosovarë u punësuan në Gjermani për nëntë muaj
-
Austri: Djemtë e dëshmorit përzgjidhen për të prezantuar historinë e tyre të suksesit si ekspertë integrimi
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore