Muzikë
Ansambli “Trojet”, 12 vjet frymëzim kombëtar
Me mbi 90 anëtarë aktivë në tri grupmosha, “TROJET” është shembull i gjallë i edukimit kulturor ndër breza

Një udhëtim artistik dhe kulturor në shërbim të trashëgimisë shqiptare Sot, Ansambli i Këngëve dhe Valleve “TROJET” feston 12 vite rrugëtim të përkushtuar në ruajtjen dhe promovimin e kulturës shqiptare në mërgatë. Ky përvjetor përfaqëson më shumë se thjesht një datë — është dëshmi e një pune të palodhur, dashurie për artin dhe përkushtimi ndaj vlerave tona kombëtare.
Me mbi 90 anëtarë aktivë në tri grupmosha, “TROJET” është shembull i gjallë i edukimit kulturor ndër breza. Me përgatitje sistematike dhe angazhim profesional, kemi arritur të sjellim në skenë identitetin tonë kombëtar përmes këngës, valles, kostumeve tradicionale dhe lojërave popullore. Gjatë këtyre viteve kemi marrë pjesë në dhjetëra aktivitete kulturore në Zvicër dhe jashtë saj, përfshirë Festivalin Shqiptar në Detroit (SHBA, 2019).
Sfida nuk kanë munguar, por dashuria për kulturën shqiptare ka qenë gjithmonë forca jonë lëvizëse. “TROJET” ka qenë gjithmonë një derë e hapur për artdashësit dhe një urë lidhëse mes brezave. Misioni ynë mbetet i pandryshuar: të ruajmë dhe të përcjellim trashëgiminë tonë kombëtare me krenari.
Falënderim i veçantë për të gjithë anëtarët që japin shpirtin në çdo paraqitje, si dhe për ata që ndër vite kontribuan në këtë rrugëtim. Mirënjohje për prindërit, familjet, miqtë, bashkëpunëtorët dhe sponsorët që qëndrojnë gjithmonë pranë nesh.
Një falënderim i posaçëm edhe për institucionet shtetërore dhe mediat shqiptare që kanë mbështetur dhe promovuar misionin tonë. Në emër të Kryesisë dhe ekipit artistik të ansamblit, ju falënderojmë nga zemra për besimin dhe mbështetjen. Le të vazhdojmë së bashku të kultivojmë dhe të ndajmë me botën artin tonë të çmuar. Gëzuar 12-vjetorin, “TROJET” – burim frymëzimi kombëtar dhe krenari për gjithë diasporën shqiptare!
E-Diaspora
-
Blerta Dodaj prezantoi një robot ujor në Harvard Blerta Dodaj, studentja 21-vjeçare me origjinë shqiptare, pjesë e komunitetit të Harvardit dhe MIT-it...
-
E reja shqiptare gjendet pa shenja jete në Itali
-
Sulmojnë pikërisht shtëpinë e një polici: Kosovari thotë se ishte “vetëm ndihmës”
-
Elina Duni merr Çmimin Zviceran të Xhazit 2025
-
Tri kosovare marrin mirënjohje për reagimin e guximshëm pas sulmit me thikë në Siegen
Jeta në Austri
-
Çmimet më të larta dhe dërgim më i ngadaltë: Çfarë po ndryshon në postën austriake nga maji 2025 Nëse planifikoni të dërgoni letra në Austri, përgatituni për çmime më të larta dhe kohë më...
-
La Austrinë për të jetuar e punuar në Kosovë
-
Austri: Rënie e ndërtimit të banesave
-
Austri: Grupi i profesionistëve kërkojnë zgjerim të rregullores për punën e rëndë
-
Panairi “Vjena 2025“, bashkoi bizneset e trojeve shqiptare