VIDEO: Dardanët e rinj ëndërrojnë të jenë pjesë e Kosovës A

Seancën stërvitore e udhëhoqi përzgjedhësi i Kombëtares A, Franco Foda, i cili me vëmendje ndoqi performancën e lojtarëve

Dita e dytë e kampit stërvitor me futbollistët kandidatë potencialë për Kombëtaren A në stadiumin “Fadil Vokrri” u zhvillua me intensitet dhe angazhim maksimal të futbollistëve.

Seancën stërvitore e udhëhoqi përzgjedhësi i Kombëtares A, Franco Foda, i cili me vëmendje ndoqi performancën e lojtarëve.

Pas përfundimit të stërvitjes, tre prej lojtarëve ndanë përjetimet dhe emocionet e tyre nga dy ditët e para të këtij kampi stërvitor. Leon Zeqiraj, pjesë e Sampdoria U20, u shpreh i emocionuar për mundësinë që të tregojë cilësitë e tij në sy të stafit teknik të Kombëtares A, raporton FFK, transmeton albinfo.ch.

Dion Gallapeni, që aktivizohet te FC Prishtina, theksoi se ky kamp stërvitor është një hap i rëndësishëm për të kuptuar filozofinë e lojës së trajnerit.

Ndërkaq, Luan Lleshi, i cili është pjesë e FC Feronikeli 74, u shpreh  krenar që i është dhënë mundësia për të marrë pjesë në këtë kamp të Kombëtares A.

Seanca e radhës stërvitore do të zhvillohet nesër në orën 11:00, në stadiumin “Fadil Vokrri”.

---