Integrimi
Nuk ka kundërshti në kandidimin e Bunjakut për një parti të krishterë
“Partitë e krishtera si CVP dhe EVP mbështeten në vlerat si familja. Ky qëndrim u përshtatet edhe myslimanëve, pasi që edhe ata kanë vlera të ngjashme. Për këtë arsye kandidatura e Bunjakut për EVP-në nuk përbën kundërshti”
Pjesëmarrja e Blerim Bunjakut në garën për Parlamentin e Kantonit të Cyrihut që mbahen këtë të dielë, vazhdon të mbetet temë për mediet e këtushme. Ajo që e bën më të mprehtë dhe më joshëse këtë temë është e dhëna se Blerimi garon në radhët e Partisë Evangjeliste (EVP) e cila angazhohet për vlera të krishtera ndërsa kandidati i saj shqiptar ka theksuar përkatësinë e tij besimit mysliman.
Transmetuesi publik i Zvicrës srf ka trajtuar këtë çështje, duke marrë edhe mendimin e një profesori universitar të shkencave politike. Ky studiues nga Universiteti i Cyrihut, Nenad Stojanovic nuk sheh ndonjë kundërshti në këtë mes.
“Partitë e krishtera si CVP dhe EVP mbështeten në vlerat si familja. Ky qëndrim i partive kristiane u përshtatet edhe myslimanëve, pasi që edhe ata kanë vlera të ngjashme. Për këtë arsye kandidatura e Bunjakut për EVP-në nuk përbën kundërshti”, është shprehur politologu.
Një parti vlerash si për shembull CVP, me të huajt e natyralizuar e përplotëson potencialin e saj të votuesve, thotë Stojanovic. Deri më tash, të natyralizuari kanë marrë pjesë në zgjedhje në përqindje nën mesatare. Për këtë arsye, aty ekziston potenciali për rritje të këtyre partive.
Nga ana tjetër, profesori i shkencave politike nuk beson se “myslimanët e natyralizuar do të formonin një parti të tyren në Zvicër. Në Zvicër deri më tash nuk ka pasur parti etnike. Kjo vlen si për grupet e të huajve të natyralizuar si italianët apo portugezët po ashtu edhe për pakicat autoktone zvicerane si retoromanët apo italishtfolësit e kantonit të Ticinos.
Arsyeja është evidente: “Të gjitha këto grupe janë shumë heterogjene”. Në secilin grup ka liberalë dhe konservatorë, të majtë ose të djathtë. Emëruesi i vetëm i përbashkët i tyre është identiteti kulturor. “Dhe, kjo është tepër pak”, thotë Stojanovic duke shtuar se as në shtetet tjera evropiane nuk ka shembuj të partive të të huajve të natyralizuar.
Të tjera nga Integrimi
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik