Dodona Imeri, aktorja e talentuar suedeze me origjinë nga Kosova, është nominuar për çmimin “Kristallen”

Dodona Imeri, një nga aktoret e talentuar suedeze me origjinë nga Kosova, është nominuar për çmimin “Kristallen” në kategorinë e aktores më të mirë femër për rolin kryesor në serialin “Painkiller,” i cili transmetohet në SVT, shkruan albinfo.ch.

Kristallen është një çmim vjetor që nderon personalitete dhe programe televizive në Suedi që u dha për herë të parë në vitin 2005. Ky çmim është krijuar me qëllim që Suedia të ketë një ekuivalent të çmimit prestigjioz amerikan, Emmy Award. /Albinfo.ch