Kalimi i liqenit të qytetit të Cyrihut shtyhet sërish

unsplash

Kalimi not i liqenit të qytetit të Cyrihut shtyhet për herë të dytë, për shkak se moti është shumë i paqëndrueshëm dhe rreziku i stuhive është shumë i lartë, ngjarja nuk do të zhvillohet këtë të mërkurë, por më 21 gusht.

Organizatorët njoftuan të hënën se tendenca për shtrëngata pamundësoi kalimin e sigurt të liqenit. Me shtyrjen për 21 gusht është shtyrë edhe shitja paraprake e biletave. Tani do të hapen më 19 gusht në orën 12:00.

Në mëngjesin e 19 gushtit, organizatorët do të vendosin gjithashtu nëse eventi mund të mbahet në tentativën e tretë. Data e parë e mundshme ishte të mërkurën e kaluar.

Për arsye sigurie, ngjarja do të zhvillohet vetëm në mot të mirë dhe të qëndrueshëm. Gjithashtu, temperatura e ujit në mes të liqenit duhet të jetë së paku 21 gradë. Aktualisht është vetëm 20.4 gradë.

Vitin e kaluar, kalimi u krye vetëm në datën e tretë të mundshme në gusht. Rreth 8000 notarë morën pjesë. Kursi i notit të çon nga Badi Mythenquai në Badi Tiefenbrunnen./Blick