Yakin: T’i mundim anglezët? Pse jo!

Foto Twitter: @Medien_News

Të shtunën kombëtarja e Zvicrës do të përballet me Anglinë në çerekfinale të Kampionatit Evropian.

Tri ditë pas triumfit ndaj Italisë, Murat Yakin del para mediave me një buzëqeshje. “Situata aktuale është një kënaqësi për mua”, thotë trajneri i Kombëtares, duke vlerësuar mjedisin e tij në kampin e kombëtares – veçanërisht ndihmës trajneri Giorgio Contini: “Nuk e shoh si asistent, por si një partner më shumë. Ai është një fat për ne”.

Për herë të dytë në histori, Zvicra është në një çerekfinale të Kampionatit Evropian. Receta sekrete për sukses? “Kam besim të madh te vetja dhe puna ime. Por ndiej një besim të madh edhe brenda ekipit”, thotë Yakin.

“Do të jetë një lojë krejtësisht ndryshe nga ajo kundër Italisë”, thotë Yakin. “Anglia ka një kulturë krejtësisht të ndryshme. Ata luajnë shumë vertikalisht dhe intensivisht. Ne nuk duhet t’i lëmë të futen në lojë dhe duhet t’u kundërvihemi me presing”.

Fakti që anglezët nuk kanë qenë bindës përsa i përket lojës që nga fillimi i turneut, nuk e ndryshon rolin e Yakin si favorit. Ai e sheh ansamblin e yjeve të Tre Luanëve si një hap më lart thjesht për shkak të klasës së tyre individuale. “Anglezët kanë një vlerë tregu shumë më të lartë se ne”, thotë Yakin.

Ai ende mendon se është e mundur të arrijë në gjysmëfinale të Kampionatit Evropian. “T’i mundim anglezët? Pse jo!”, thotë Yakin.