Shpëtohet çifti belg që u bllokuan në kanionet e Gjipesë

Çifti nga Belgjika ka mbetur i bllokuar në kanionet e Gjipesë zonë midis Dhërmiut dhe Himarës për më shumë se 10 orë.

Çifti në moshë rreth 50 vjeç kanë parë që e kanë pas të pamundur daljen nga këto kanione, dhe më pas kanë kërkuar ndihmë, transmeton telegrafi, përcjell Albinfo.ch.

Është organizuar ekipi i zjarrfikësve të Himarës të cilët kanë bërë të mundur nxjerrjen e tyre me anë të litarëve, pasi terreni ka qenë shumë i vështirë.

Të dy të huajt Belg janë me shëndet të mirë, kanë falenderuar zjarrfikësit dhe janë larguar drejt hotelit ku qëndrojnë./Albinfo.ch/