Aeroporti i Tiranës, me rritje të madhe, 260,8% më shumë se në vitin 2019

Rritja e vazhdueshme e fluksit në Aeroportin Ndërkombëtar të Tiranës thyen në mënyrë të vazhdueshme rekorde, teksa pritet që këtë vit të kalojnë mbi 10 milionë pasagjerë

Në një postim në mediat sociale, kryeministri i Shqipërisë, Edi Rama, përshëndeti rritjen e konsiderueshme të turizmit në prill 2024, falë reputacionit në rritje të Shqipërisë si një destinacion kryesor turistik.

Kryeministri vlerësoi në mënyrë të veçantë Aeroportin Ndërkombëtar të Tiranës (TIA) për pritjen e një rritje të dukshme prej 260,8% të trafikut të pasagjerëve krahasuar me vitin 2019, sipas te dhënave te Airports Council International (ACI).

Postimi i kryeministrit Rama nënvizoi ndikimin pozitiv të sektorit të rigjallëruar të turizmit në Shqipëri në aspekte të ndryshme të ekonomisë dhe shoqërisë së vendit, transmeton albinfo.ch.

Ai theksoi përfitimet e rëndësishme që vijnë për individët dhe familjet e angazhuara në industrinë e turizmit, duke përfshirë rritjen e të ardhurave, rritjen e investimeve në infrastrukturën e mikpritjes dhe zgjerimin e mundësive të punësimit me paga të përmirësuara në sektorin e shërbimeve.

Aeroporti Ndërkombëtar i Tiranës, nën menaxhimin e Kastrati Group, ka shënuar rritje të jashtëzakonshme duke nisur me 2.9 milionë pasagjerë në vitin 2018 dhe duke e çuar në 7.2 milionë për vitin 2023.

Rritja e vazhdueshme e fluksit në Aeroportin Ndërkombëtar të Tiranës thyen në mënyrë të vazhdueshme rekorde teksa pritet që këtë vit të kalojnë mbi 10 milionë pasagjerë.

https://www.facebook.com/ediramaal/posts/1012010346961293?ref=embed_post

---