Austri: Të paktën 300 kocka vigane janë gjetur në një bodrum shtëpie

Bëhet e ditue se qindra eshtra të shtazëve vigane janë zbuluar në një bodrum vere në Austri, përcjell albinfo.at.

Sipas ekspertëve, mbetjet besohet të jenë 30,000 deri në 40,000 vjet të vjetra.

Andreas Pernerstorfer bëri zbulimin e jashtëzakonshëm gjatë rinovimit të bodrumit të tij në fshatin Gobelsburg, rreth 70 kilometra në veriperëndim të Vjenës , në mars, raporton CNN.

Është gjetja më e rëndësishme e këtij lloji në më shumë se një shekull, sipas studiuesve nga Akademia Austriake e Shkencave (OeAW), të cilët kanë rikuperuar kockat për disa kohë.

Të paktën 300 kocka të ndryshme u zbuluan në bodrum

Sipas arkeologes Hannah Parow-Souchon, një studiuese në OeAW, e cila foli për CNN të enjten e kaluar, pronari i shtëpisë donte të rrafshonte dyshemenë e bodrumit, sepse ishte i pjerrët dhe hoqi disa beton në qendër. Në atë fazë, ai vuri re eshtrat, të cilët në fillim mendoi se ishin prej druri dhe kujtoi një histori nga gjyshi i tij, i cili në vitet ’60 zgjeroi të njëjtin bodrum dhe zbuloi disa mbetje mamuthësh.

Pronari më pas raportoi gjetjen në Zyrën Federale të Monumenteve, e cila e dërgoi atë në OeAW. Gërmimi filloi në fillim të majit, me ekspertët që deklaruan se eshtrat u përkasin tre mamuthëve të ndryshëm. Më konkretisht, arkeologët thonë se kanë në posedim të paktën 300 kocka, të cilat janë gjetur të grumbulluara së bashku.

“Më pëlqen të jem arkeologe. Unë kam qenë e përfshirë në gërmimet e shumë gjetjeve magjepsëse, por gjithmonë kam dashur të zbuloj një vigan”, tha Parow-Souchon. “Është hera e parë që arrijmë të hetojmë diçka të tillë në Austri me metoda moderne”, shtoi ai.

Gërmimet, të cilat u financuan nga Zyra Federale e Monumenteve dhe provinca e Austrisë së Poshtme, ngrenë shumë pyetje, duke përfshirë nëse këto kafshë u vranë nga gjuetarët e epokës së gurit.  “Ne e dimë që njerëzit gjuanin mamuthë, por aktualisht dimë shumë pak se si e bënë këtë”, tha arkeologu, duke shtuar se në këtë vend mund të jetë përdorur si kurth për kafshët.

Pasi studiuesit të kenë përfunduar punën e tyre, eshtrat do të dërgohen në Muzeun e Historisë Natyrore në Vjenë për restaurim.