Qeveria i përgjigjet BE-së: Sundimi i ligjit nuk është shkelje përshkallëzuese

Asociacioni i komunave me shumicë serbe nuk është menduar asnjëherë si ombrellë për legalizimin e strukturave ilegale të Serbisë në Kosovë. Kështu ka thënë zëdhënësi i Qeverisë së Kosovës, Përparim Kryeziu, duke i reaguar Bashkimit Evropian.

“Sugjerimi i EEAS në deklaratën e saj sot – që strukturat ilegale në Kosovë duhet të trajtohen dhe të zgjidhen në lidhje me ASMM – është një paraqitje ç’orientuese e asaj që ASMM ishte menduar ndonjëherë të ishte. Së pari, nuk është një ombrellë për legalizimin e strukturave të krijuara në mënyrë të paligjshme dhe të njëanshme”, ka shkruar Kryeziu në “X”, përcjell Albinfo.ch.

Ai ka shtuar se takimet e fundit në Bruksel për “dinarin” kanë dështuar për shkak të qëndrimit të Serbisë që sipas Kryeziut bie ndesh me propozimin e BE-së.

Kryeziu ka thënë se sundimi i ligjit nuk duhet të perceptohet si shkelje përshkallëzuese.

Për më tepër, sundimi i ligjit nuk duhet të perceptohet si sjellje përshkallëzuese. Është ironike që BE-ja të reagojë kundër veprimeve që janë në përputhje me sundimin e ligjit, kur misioni më i madh civil i BE-së quhet Misioni i Bashkimit Evropian për Sundimin e Ligjit në Kosovë (EULEX)”, ka thënë ai./Albinfo.ch/