Kosova
Kosovë: Arsyet që i çojnë burrat në vetëvrasje
Sipas aktgjykimeve për shtytje në vetëvrasje tregojnë se burrat synojnë t’i japin fund jetës pas shantazheve a borxheve të akumuluara kryesisht nga paratë e marra me fajde.
Po ashtu, personat që i shtyjnë burrat në vetëvrasje marrin dënime të buta.
Ndonjëherë kryerësit e veprave penale janë anëtarë të afërt të familjes me viktimën.
“I pandehuri e ka shtyrë djalin e tij që të bëjë vetëvrasje, posaçërisht duke e kërcënuar ditën kritike që ose ta vrasë personin me iniciale M. ose ta vrasë veten. Me këtë veprim-kanosje, tek tani i ndjeri krijohet dhe përforcohet vendimi që të bëjë vetëvrasje. Pasi shkon rreth orës 13:00 në mal për të prerë dru me disa kushërinj dhe pasi që të njëjtët i përcjellë për në shtëpi, vetë mbetet në mal kinse për t’i përgatitur edhe disa dru, por gjendet i vetëvarur”, thuhet në aktgjykimin e një rasti.
Babai i viktimës është dënuar me kusht.
E në një rast, një burrë ka rënë pre e një shantazhi në Facebook nga një tjetër burrë që i ishte paraqitur si femër. Viktima ishte bindur t’i përcillte fotografi nudo, me të cilat pastaj për kohë të gjatë është shantazhuar me publikim, nëse nuk do t’i jepeshin para.
“I ndjeri nga shantazhet është detyruar t’i dërgojë të holla më datë 16.11.2016 në vlerën 150 euro, më datë 21.11.2016 në vlerën 50 euro, më datë 30.11.2016 në vlerën 150 euro dhe më datë 07.04.2017 në vlerën 200 euro. Kjo marrëdhënie në mes të akuzuarit dhe të ndjerit e ka vënë në pozitë të pafavorshme viktimën F. B., i cili ka qenë i shantazhuar në vazhdimësi”, thuhet në aktgjykimin e këtij rasti.
Për shantazhin që çoi në vetëvrasje, ky burrë u dënua me gjithsej dy vjet e katër muaj burgim.
Një aktgjykim tregon se si fajdeja e çoi në vetëvrasje një burrë. Ai mori borxh 1 mijë euro, por duhej t’i kthente 16 fish më shumë.
“I dëmtuari në pamundësi që ta kryejë këtë obligim më datën 11.06.2018, në një kafiteri në Ferizaj kishte përdor tableta (helm të kafshëve), me qëllim që të bëjë vetëvrasje nga presioni dhe kanosja e të pandehurit”, thuhet në aktgjykimin e rastit.
Gjykata e dënoi fajdexhiun me 3 muaj burgim për fajde, por nuk e gjeti fajtor për veprën penale shtytje në vetëvrasje.
Kodi Penal parasheh dënim deri në 5 vjet burgim për personat që shtyjnë dikë në vetëvrasje. Në rast se viktima është i mitur, atëherë dënimi është 10 vjet./Koha.net
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri