Kosova
Ambasada e Finlandës në Kosovë bën bashkë bizneset shqiptare të këtij shteti
Rrjeti i bizneseve shqiptare (RrBSh) ishte e pranishëm në një event të organizuar nga Oda Ekonomike Nordike dhe Ambasada e Finlandës në Kosovë, i dedikuar bizneseve shqiptare në Finlandë.
Kryetari Rinor Hajdini dhe ekipi i RrBSh-së falënderojnë Business Finland, Ambasadën e Finlandës në Kosovë, Qeverinë finlandeze dhe të Kosovës, si dhe Odat ekonomike për ftesat.
“Këto evente ishin një mundësi e shkëlqyer për anëtarët tanë për të krijuar kontakte direkte me vendet e rajonit të Ballkanit dhe për të mësuar nga kompanitë udhëheqëse finlandeze, si dhe për të diskutuar potencialin e jashtëzakonshëm që ofron Evropa Juglindore për investime të huaja”, thuhet në njoftim.
Diskutimet treguan jo vetëm parashikimin e shkëlqyer të rritjes së PBB-së me afërsisht 3-4% në vit në rajonin e Ballkanit, por edhe thelbin e qëndrueshmërisë dhe inovacionit në strategjitë ekonomike të rajonit.
“Jemi mirënjohës për kontributet e folësve kryesorë, si Risto Vuohelainen, drejtori ekzekutiv i Business Finland, dhe Ville Tavio, ministri finlandez i Bashkëpunimit për Zhvillim dhe Tregti të Jashtme, të cilët ofruan perspektiva të ndritura mbi rritjen dhe zhvillimin në vendet ballkanike”, thuhet në njoftim.
RrBSh-ja gjithashtu pati mundësi të diskutojë me organet e ndryshme të Kosovës dhe të mësojë për mundësitë që shteti i Kosovës ofron.
“ Zef Dedaj, zëvendësdrejtori i përgjithshëm i KIESA-s (Agjencia për Investime dhe Përkrahjen e Ndërmarrjeve në Kosovë), na informoi rreth ofertave të KIESA-s dhe mënyrave se si agjencia mund të ndihmojë në investime në Kosovë dhe në bashkëpunime të tjera ndërkombëtare. Artan Duraku, Drejtori i Departamentit për Diplomaci Ekonomike në Ministrinë e Punëve të Brendshme të Kosovës, gjithashtu na informoi rreth sigurisë në Kosovë dhe zhvillimeve ekonomike në fokus të shtetit të Kosovës”, thuhet tutje.
Të tjera nga Kosova
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri