Policia e Kosovës shpall në kërkim për dhunë në familje kampionin e xhudos, Akil Gjakova

Policia e Kosovës këtë të martë ka shpallur në kërkim për dhunë në familje kampionin e xhudos, Akil Gjakovën.

“Policia e Kosovës – Drejtoria Rajonale e Policisë në Pejë, bazuar në ligj  për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.

Personi i kërkuar është:

• AKIL (Luan) GJAKOVA  i lindur me 04.01.1996 nё Pejë.

I pandehuri është i kërkuar për veprën penale:

– “Dhunё nё familje”

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Numrat e telefonit dhe adresat elektronike kontaktuese për të kontaktuar Policinë e Kosovës:

– 192 dhe 080019999 (pa pagesë)

– 039 432 327-Drejtoria Rajonale Pejë

– E-mail adresa: [email protected]”, thuhet në shpalljen e policisë.

Ndërkohë, në fundjavë, vetë Gjakova kishte mohuar akuzat duke shtuar po ashtu se ndodhet jashtë shtetit dhe do të paraqitet në polici në momentin që kthehet.