Varhelyi: Përmes planit për Ballkanin, BE-ja synon zbatimin e marrëveshjeve Kosovë-Serbi

Komisioneri Evropian për Zgjerim, Oliver Varhelyi, ka thënë se Bashkimi Evropian përmes Planit të Rritjes për Ballkanin Perëndimor dëshiron të promovojë zbatimin e të gjitha marrëveshjeve të arritura në kuadër të dialogut Kosovë-Serbi.

Deklaratat e tij ai i ka bërë gjatë forumit “BE-ja takohet me Ballkanin” në Sofje, ndërsa ka thënë se është në interes jetik të BE-së që zgjerimi i saj të ndodhë sa më shpejt.

Tutje, Varhelyi ka deklaruar se takimi i ardhshëm i Komisionit Evropian duhet të mirëpresë anëtarët e rinj në fund të mandatit të saj, transmeton albinfo.ch.