Më shumë se 190 të arrestuar në Francë gjatë operacionit anti-drogë

Keystone (AP Photo/Francois Mori)

Si pjesë e një goditjeje të gjerë kundër drogës, policia fraceze arrestoi të hënën më shumë se 190 persona.

Bastisjet, presidenti i Francës, Emanuel Macron, i përshkroi si “të paprecedentë”, transmeton Albinfo.ch

Gjatë operacionit të gjerë anti-drogë të koordinuar, sipas policisë, u sekuestruan rreth 25 kilogramë kanabis dhe mbi një kilogram kokainë.

Ministri i Brendshëm, Gérald Darmanin, tha se oficerët kontrolluan rezidenca, rrugë dhe autostrada në qytetet veriore të Lille, Villeneuve-d’Ascq dhe Roubaix.

“Autoritetet do të vazhdojnë bastisjet “për të goditur shumë fort”, tha ai.

Darmanin tha se 15,000 policë, xhandarë dhe zyrtarë doganorë mobilizoheshin çdo javë për punën.

Mbi 20 kilogramë drogë të paspecifikuar, 385 mijë euro dhe katër armë janë sekuestruar gjatë tre ditëve të para të operacionit./Albinfo.ch/