Bora “pranverore” në Kosovë

Ilustrim

Të dielën në Kosovë në disa zona pati reshje bore.

Policia e Kosovës ka bërë thirrje për kujdes të shtuar gjatë vozitjes në rrugët e mbuluara me ujë dhe borë.

“Bazuar në situatën e tanishme, ku kemi ndryshim të kushteve atmosferike dhe reshje të borës, policia e Kosovës apelon te të gjithë pjesëmarrësit në trafik, në veçanti shoferëve të automjeteve, për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me ujë dhe borë”, thuhet në njoftimin policor.

Këtë të hënë, sipas Meteo Kosova, pritet të ketë reshje të tjera të borës.

“Për të hënën parashikohet fillimisht të mbajë mot me reshje intensive të shiut dhe borës gjatë orëve të para të 24-orëshit, të cilat lokalisht do të vazhdojnë deri në orët e mëngjesit, kur edhe do të humbasin intensitet dhe territor, duke mbetur të izoluara vetëm në zona të caktuara”, thuhet në njoftim.