Kosova
Guvernatori Ismaili takohet në Vjenë me Guvernatorin e Bankës Nacionale të Austrisë
Guvernatori i Bankës Qendrore të Republikës së Kosovës (BQK), Ahmet Ismaili, u prit në takim nga Guvernatori i Oesterreichische Nationalbank (OeNB), Robert Holzmann, për të diskutuar dhe zgjeruar bashkëpunimin ndërmjet dy bankave qendrore.
Gjatë takimit, Guvernatori Ismaili shprehu mirënjohjen e sinqertë për mbështetjen e pakursyer të OeNB-së për BQK-në, përmes projekteve dhe asistencave të ndryshme, drejtpërdrejt si bankë qendrore ashtu edhe përmes konstituencës së saj me Fondin Monetar Ndërkombëtar (FMN), si dhe Joint Vienna Institute (JVI). Kjo mbështetje ka kontribuar ndjeshëm në avancimin e sistemit financiar në Republikën e Kosovës dhe ngritjen e kapaciteteve të vetë BQK-së si institucion.
Diskutimi ndërmjet Guvernatorit Ismaili dhe Guvernatorit Holzmann është përqendruar kryesisht rreth forcimit të bashkëpunimit në fusha të ndryshme, duke përfshirë ndarjen e njohurive dhe ngritjen e kapaciteteve në mbikëqyrje, si dhe fillimin e iniciativave të përbashkëta kërkimore. Po ashtu, guvernatorët nënvizuan rëndësinë e shfrytëzimit të ekspertizës dhe burimeve të të dyja institucioneve me qëllim të nxitjes së qëndrueshmërisë dhe efikasitetit më të madh brenda sistemeve të tyre financiare.
Guvernatori Ismaili theksoi rëndësinë e përpjekjeve të përbashkëta në avancimin e kornizave rregullatore në sektorin financiar. Gjatë diskutimit u theksuan përfitimet e ndërsjella të shkëmbimit të praktikave më të mira dhe nxitjes së një kulture të të mësuarit të vazhdueshëm.
Takimi përfundoi me angazhimin e të dyja palëve për thellimin e partneritetit dhe gjetjen e mundësive të reja për bashkëpunim në të ardhmen.
Guvernatori Ismaili aktualisht po zhvillon një vizitë zyrtare me ftesë të Guvernatorit Holzmann, në shënimin e 80-vjetorit të themelimit të institucioneve të Bretton Woods (FMN dhe Bankës Botërore) dhe 75-vjetorit të anëtarësimit të Republikës së Austrisë në këto organizata.
Të tjera nga Kosova
E-Diaspora
-
Klesta Krasniqi zgjedhet këshilltare komunale në Lausanne Shqiptarja Klesta Krasniqi është zgjedhur këshilltare komunale në Lausanne me grupin e partisë PLR.Les Libéraux-Radicaux Lausanne....
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
-
Gjuha shqipe në Zvicër, një realitet në rritje, që pret të njihet
-
Marigona do të ngjitet në skenën prestigjioze të operës në Frankfurt
Jeta në Austri
-
Pse Austria nuk është në NATO? Statusi i gjatë “neutral” i Austrisë dikton shumë nga diplomacia dhe politikat e saj, duke përfshirë...
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?