Funerali i Navalny, ndodhin arrestimet e para në Moskë

Ceremonia e varrimit të opozitarit rus, Navalny, me prani të policisë - Funerali i Navalny: Kundërshtari më i madh i Putinit varroset me dy këngë, nisin arrestimet e para në Moskë

Ceremoninë e varrimit e kanë përcjellë mediet vendore dhe ato botërore. Kështu media e pavarur ruse, “Meduza”, ka përcjellë duke dërguar në kishë për varrim, duke përshkruar gjendjen në terren, ku sipas kësaj medie, bëhet e ditur se radhë të gjata njerëzish përgjatë rrugëve.

Mediet botërore kanë njoftuar për arritjen e arkivolit të Navalny-t në varreza, duke paraqitur edhe pjesëmarrësit në ceremoninë e varrimit të prindërve të Navalny-t, derisa e veja e Navalny-t, Yuliya Navalnaya, dhe fëmijët janë në arrati, jashtë vendit, megjithatë, sipas raporteve të pakonfirmuara mediatike, e veja e tij, Yulia Navalnaya, ka aplikuar për leje për të hyrë në Rusi për të marrë pjesë në funeral.

 Ngjarja zgjati më pak se një orë, kështu që përfundoi shumë më herët se sa pritej.

Nga kisha, trupi i Navalny u dërgua në varrezat e vogla Borisovskoye në jug të lumit Moskva për varrim.

Sipas medieve vendore e botërore, në ceremoninë e varrimit të Navalny-t kanë marrë pjesë edhe disa ambasadorë dhe përfaqësues të shteteve perëndimore, si: SHBA, Gjermania dhe Franca, Suedia etj.

Zëdhënësja e Alexei Navalny postoi në llogarinë e saj në Twitter një video nga varrezat dhe shpjegoi zgjedhjen e muzikës në të cilën u varros lideri i opozitës ruse, përcjell albinfo.ch.

“Alexei e konsideroi filmin “Terminator 2″ si filmin më të mirë në planet. Muzika nga skena e fundit u luajt në funeralin e tij”, ka shkruar Kira Yarmush.

Siç raporton portali i pavarur rus Meduza, tashmë arrestimi i parë u bë gjatë funeralit.

Detaje të tjera nuk janë bërë të ditura, por në një video të postuar nga portali në kanalin e tij Telegram, shihet një person që po merret me mjete të plota nga policia.

Video është publikuar edhe nga Anton Gerashenko, këshilltar i ministrit të Punëve të Brendshme të Ukrainës. 

---