Rritet numri i azilkërkuesve në Zvicër

Krahasuar me muajin dhjetor janë regjistruar 525 aplikime më shumë. Shumica e aplikantëve vijnë nga Afganistani, Turqia, Algjeria, Maroku dhe Eritreja

Në janar në Zvicër janë regjistruar 2768 kërkesa për azil, 525 më shumë se në muajin e kaluar (+23,4%). Krahasuar me janarin e vitit të kaluar, numri i aplikimeve është rritur me 245 njësi. Vendet kryesore të origjinës ishin Afganistani (793 aplikime; 133 më shumë se në dhjetor), Turqia (501; +83), Algjeria (224; +89), Maroku (142; +27 ) dhe Eritreja (142; -5), shkruajnë mediat zvicerane, përcjell albinfo.ch.

Në muajin në shqyrtim, Sekretariati Shtetëror për Migracionin (SEM) likuidoi në shkallë të parë 2743 kërkesa për azil, nga të cilat 732 me vendim për të mos marrë në konsideratë meritat (në 603 raste sipas Marrëveshjes së Dublinit), 666 me dhënien e azilit dhe 555 me pranim të përkohshëm. Numri i lëndëve në ruajtje në shkallë të parë është rritur me 88 njësi krahasuar me muajin e kaluar, duke arritur në 15655 lëndë. Në janar, 1,487 persona nga Ukraina aplikuan për statusin e mbrojtjes S. Në fund të muajit, gjithsej 65,587 persona kishin statusin S.

 

---