Borrell: Stabiliteti dhe paqja në rajon arrihen vetëm përmes normalizimit të raporteve Kosovë-Serbi

Josep Borrell

Përfaqësuesi i lartë i Bashkimit Evropian për politikë të jashtme dhe siguri, Josep Borrell, në 16-vjetorin e pavarësisë së Kosovës ka thënë se stabiliteti i qëndrueshëm dhe paqja në rajon mund të arrihen vetëm përmes normalizimit të raporteve Kosovë-Serbi.

Përmes një postimi në rrjetin social “Twitter”, ai ka folur për takimet që ka zhvilluar në Munih me kryeministrin e Kosovës, Albin Kurti, dhe presidentin e Serbisë, Aleksandar Vuçiq, transmeton albinfo.ch.

“Stabiliteti i qëndrueshëm dhe paqja në rajon mund të arrihen vetëm përmes normalizimit të marrëdhënieve ndërmjet Kosovës dhe Serbisë. Rruga drejt kësaj shkon përmes dialogut të lehtësuar nga Bashkimi Evropian”, ka shkruar ai.