FSK-ja merr pjesë në “Dynamic Front 24”, Maqedonci: Kosovë, ne të dalim zot

Ministri i Mbrojtjes së Kosovës, Ejup Maqedonci, ka njoftuar se Forca e Sigurisë së Kosovës është duke marrë pjesë në ushtrimin “Dynamic Front 2024”, ushtrim fushor, i cili organizohet nga Ushtria Amerikane për Evropë dhe Afrikë, për të përmirësuar ndërveprueshmërinë në fushën e artilerisë dhe mbështetjes me zjarr ndërmjet shteteve të NATO-s dhe shteteve partnere të SHBA-së, transmeton albinfo.ch.

“Forca e Sigurisë së Kosovës është duke marrë pjesë në ketë ushtrim me një tog të mortajave dhe me oficer shtabor, krahas Ushtrisë Amerikane dhe Ushtrisë Turke, e cila është edhe mikpritëse në ketë ushtrim për vitin 2024”, ka shkruar ai.

Përmes një njoftimi në rrjetin social “Facebook”, Maqedonci ka shtuar se në nivel shtabor të ushtrimit, po marrin pjesë edhe Republika e Çekisë dhe e Sllovakisë.

“Forca e Sigurisë së Kosovës është duke marrë pjesë në këtë ushtrim me një tog të mortajave dhe me oficer shtabor, krahas Ushtrisë Amerikane dhe Ushtrisë Turke, e cila është edhe mikpritëse në këtë ushtirim për vitin 2024. Në nivel shtabor të ushtrimit po marrin pjesë edhe Republika e Çekisë dhe ajo e Sllovakisë. Kosovë, ne të dalim zot”, ka shkruar tutje ai.