Shteti që rrit moshën e pensionimit në 71 vjet

(KEYSTONE/Gaetan Bally)

Mosha e daljes në pension në Britaninë e Madhe do të duhet të rritet në 71 vjeç deri në vitin 2050 për të ruajtur ekuilibrin në sistemin e pensioneve të vendit, ka thënë dega e Mbretërisë së Bashkuar e Qendrës Ndërkombëtare të Jetëgjatësisë (ILCUK).

Shumica e vendeve që ia dalin mirë me indeksin e plakjes së shëndetshme të qendrës kërkimore, si Mbretëria e Bashkuar, “kanë popullsi në plakje të shpejtë“, që do të thotë se përqindja e njerëzve në moshë pune në shoqëri është në rënie.

Në Britani, mosha e daljes në pension do të rritet në 70 ose 71 vjeç, krahasuar me 66 vjeç, për të ruajtur raportin aktual të numrit të të punësuarve ndaj pensionistëve, përfundoi ILCUK në hulumtimin e saj.

Mbretëria e Bashkuar paguan një pension shtetëror i cili aktualisht është mesatarisht 238 € në javë, dhe shumica e pensionistëve britanikë marrin gjithashtu një pension privat. Britanikët tani dalin në pension në 66 vjeç, por tashmë është vendosur një rritje në 67 midis 2026 dhe 2028 dhe në 68 nga 2044.

Nga viti i kaluar, Franca del në pension në moshën 64-vjeçare dhe para zbatimit të reformës së pensioneve, kufiri ishte 62 vjeç.

Edhe pse zgjatja e jetës së punës është një zgjidhje, hulumtimet tregojnë se në moshën 70 vjeçare, vetëm 50 për qind e njerëzve janë në gjendje të punojnë, thuhet në raportin e ILCUK.

Prandaj organizata i bën thirrje qeverisë së Mbretërisë së Bashkuar që të fokusohet në parandalimin e problemeve shëndetësore, jo vetëm tek të moshuarit, por edhe tek ata në moshë pune.