20.2 milionë turistë, ky është qyteti më i vizituar i vitit 2023

@unsplash

Nuk është New York apo Dubai në krye të qyteteve më të vizituara në vitin 2023, por një tjetër metropol.

20.2 milionë turistë vizituan Stambollin vitin e kaluar, sipas një raporti vjetor të kompanisë globale të kërkimit të tregut Euromonitor International, transmeton albinfo.ch.

Sipas portalit të udhëtimit “Time Out”, një nga arsyet e bumit mund të jetë lehtësimi i rregullave të vizave për turistët nga SHBA-ja dhe Kanadaja.

Megjithatë, qyteti po “rënkon” nën turmat e vizitorëve dhe po merr masa: Për të mbrojtur më mirë xhaminë historike të Hagia Sophia me famë botërore, hyrja së shpejti do të kushtojë 23.50 franga zvicerane. Xhamia vizitohet nga rreth 3.5 milionë njerëz çdo vit, shkruan 20minuten.