Kurti në takim me komandantin e KFOR-it: Qeveria nuk duhet të ndikojë në vendimmarrjen e BQK-së

Foto FB: NATO Kosovo Force - KFOR

Kryeministri i Kosovës, Albin Kurti, është takuar sot me komandantin e KFOR-it, Gjeneral Major, Ozkan Ulutas, me të cilin kanë diskutuar për situatën e sigurisë në Kosovë dhe për vendimin e fundit të Bankës Qendrore të Kosovës.

Kurti u shpreh se BQK-ja është institucion i pavarur dhe se qeveria nuk duhet të ndikojë në vendimmarrjen e saj, përcjell albinfo.ch.

“Lidhur me rregulloren e re të Bankës Qendrore, kryeministri tha se Banka Qendrore e Kosovës është institucion i pavarur e profesional dhe se Qeveria nuk mund e nuk duhet të ndikojë në vendimmarrjen e saj. Në këtë drejtim theksoi rëndësinë e ruajtjes së kushtetutshmërisë dhe ligjshmërisë së institucioneve publike dhe funksionimit të pavarur e të pandikuar të tyre. Kryeministri foli edhe për rëndësinë e luftimit të pastrimit të parave dhe kriminalitetit dhe tha se Kosova EURO-n si valutë e ka marrë nga Bashkimi Evropian”, thuhet në njoftimin e qeverisë.