69.5 për qind e kosovarëve nuk mund të përballojnë financiarisht pushimet

@pixabay

Në hartën e përpiluar “Landgeist”, bazuar në të dhënat e “Eurostatit”, Kosova prin në aspektin negativ në Evropë sa i përket përballimit të pushimeve.

69.5 për qind e popullit të Kosovës nuk është në gjendje të përballojë pushimin, bazuar në të dhënat e marra nga viti 2018, transmeton albinfo.ch.

Kosova pasohet nga populli malazez me 67.2 për qind të popullatës që nuk mund t’i përballojë pushimet, pastaj Rumania, Turqia, Shqipëria dhe Maqedonia e Veriut.

Për Shqipërinë, Malin e Zi, Serbinë dhe Turqinë të dhënat janë nga viti 2021, ndërsa për Maqedoninë nga viti 2020.

Dallim të madh nga zona lindore shfaqin shtetet e pasura, si Luksemburgu, Norvegjia dhe Zvicra. Vetëm 7.6 për qind e shtetasve të Luksemburgut nuk mund të përballojnë pushime prej një jave. Në vend të dytë është Norvegjia me 7.9 për qind e Zvicra e treta, me 8.4 për qind.