Lajme
Deshi të shkelte kolegun me makinë, ja përse nuk dëbohet kosovari nga Zvicra
Edhe pse bëhej fjalë për kërcënim të jetës, gjykata vendosi kundër dëbimit të kosovarit nga Zvicra sepse ai nuk kishte dënime të mëparshme
Në verën e vitit 2020, një drejtues 53-vjeçar vinçi nga Lyss-i (Biel/Bienne) po priste më kot udhëzimet nga kolegu i tij në tokë. Konflikti është përshkallëzuar pas punës kur 53-vjeçari ka ndjekur me makinë kolegun e tij të punës, transmeton albinfo.ch. Nga përplasja e afërt 43-vjeçari shpëtoi veten vetëm duke u hedhur në trotuar. Më pas operatori i vinçit e sulmoi me një kaçavidë, por viktima mundi ta shmangte.
Tashmë shoferi i vinçit u është përgjigjur për veprimet e tij para gjykatës rajonale të Bielit.
43-vjeçari pretendon se drejtuesi i vinçit ka shfaqur vazhdimisht sjellje agresive ndaj tij dhe madje ka kërcënuar me dhunë gruan e tij, shkruan 20minuten.ch. Mbrojtja ka mohuar akuzat dhe ka theksuar se mungonin provat për një kërcënim konkret për jetën, përcjell albinfo.ch. Por një kalimtare e rastit e cila ka qenë e pranishme në momentin e krimit ka mundur të dëshmojë në gjykatë kundër drejtuesit të vinçit dhe ka konfirmuar sulmin nga ana e tij, me makinën dhe kaçavidën.
Gjykata Rajonale e Bielit ka dënuar kosovarin 53-vjeçar me 18 muaj burg me kusht dhe 96 gjobë ditore nga 90 franga, ndër të tjera për rrezikim të jetës dhe tentativë për lëndim të rëndë trupor. Ai u shpall i pafajshëm nga gjykata për sulmin e dyshuar me kaçavidë.
Vendim kundër dëbimit nga vendi
Edhe pse bëhej fjalë për kërcënim të jetës, gjykata vendosi kundër dëbimit të kosovarit nga Zvicra sepse i akuzuari nuk kishte kryer asnjë krim në Zvicër për më shumë se 20 vjet. Aktgjykimi ende mund të kalojë në shkallën tjetër.
Të ngjashme
Të tjera nga Lajme
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?