Tentim për t’i dhënë policisë ryshfet për kalim të kufirit, arrestohet i dyshuari

Foto nga arkiva

Policia e Kosovës ka bërë të ditur se ka arrestuar një person në pikën kufitare Kulla me Malin e Zi, nën dyshimin se i ka ofruar 50 euro ryshfet një zyrtari policor për t’ia mundësuar bashkëshortes së tij kalimin e kufirit me pasaportë jovalide.

Siç ka njoftuar Policia në raportin 24-orësh, i dyshuari shqiptar me shtetësi të huaj, është dërguar në mbajtje.

“PKK Kulla / 30.12.2023 – 15:00. Është arrestuar i dyshuari mashkull shqiptar, shtetas i huaj, pasi që i ka ofruar ryshfet prej 50 euro zyrtarit policor për t’i mundësuar bashkëshortes së tij kalimin e kufirit me pasaportë jovalide. Me vendim të prokurorit, i dyshuari është dërguar në mbajtje”, thuhet në raportin e Policisë, përcjell albinfo.ch.