Me të mbërritur në aeroport, mërgimtari padit kosovarin për shantazh

Policia e Kosovës ka njoftuar për një rast të shantazhit që ka ndodhur ditën e hënë në Prishtinë, përcjell albinfo.ch.

Referuar raportit të policisë, një person ka kërkuar para nga një mërgimtar në mënyrë që të mos i publikohet një video intime.

Njoftimi i plotë:

“Aeroporti i Prishtinës, 25.12.2023-19:10. Me të mbërritur në Kosovë, ankuesi mashkull mërgimtar, ka raportuar se ka pranuar një mesazh në rrjetin social nga një i dyshuar i panjohur, i cili i ka kërkuar një shumë parash në mënyrë që të mos i publikojë një video intime”, thuhet në njoftim.

Policia shton tutje se sipas ankuesit, pagesën duhet ta bëjë online pasi të arrijë jashtë RKS-së.

Lidhur me rastin është njoftuar prokurori.