Cyrih: Hodhi vezë drejt trenit, dënohet me qindra franga

(KEYSTONE/Christian Beutler)

Në muajin prill, një burrë nga Cyrihu hodhi një vezë në xhamin e përparmë të një treni në Wohlen. Pastaj hodhi vezë mbi ulëset dhe më vonë doli jashtë teksa motivi i tij mbetet plotësisht i paqartë. Pastrimi i kushtoi SBB-së 250 franga, ndërsa dënimi i tij do të jetë më i shtrenjtë se kaq, shkruan Blick.

Kjo për shkak se zviceranët nuk duhet të përgjigjen vetëm për dëmtimin e pronës. Ai gjithashtu ka shkelur ligjin mjedisor. Kushdo që me dashje ose nga pakujdesia “lë mbeturina përreth, i hedh ose i ruan në vende që nuk lejohen për këtë qëllim”, mund të marrë një gjobë të rëndë prej 50,000 frangash, përcjell albinfo.ch.

Prokuroria publike e Aargaut nuk ka hezituar gjatë dhe i ka kërkuar të riut një gjobë prej 500 frangash. Përveç kësaj, ka kosto procedurale prej 630 frangash.