Ambasada e Kosovës në Pragë: Ndiqni udhëzimet e autoriteteve lokale

Foto sc Twitter: @CT24zive

Në Pragë, si pasojë e një sulmi të armatosur që ka ndodhur sot, raportohet se të paktën 11 persona kanë mbetur të vdekur dhe rreth 25 të tjerë janë plagosur.

Në lidhje me këtë ka reaguar edhe Ambasada e Kosovës në Çeki, e cila u ka bërë thirrje qytetarëve të Kosovës që t’i ndjekin udhëzimet e autoriteteve lokale, përcjell albinfo.ch.

“Pas raportimeve për një sulm të armatosur në qendër të Pragës, përkatësisht në Fakultetin e Filozofisë, Universitetin e Karlit, Ambasada e Republikës së Kosovës në Pragë u bënë thirrje të gjithë qytetarëve të Kosovës që të ndjekin udhëzimet e autoriteteve lokale. Ju lutemi, kontaktoni Ambasadën në +420 257 217 775 për çdo kërkesë për ndihmë konsullore”, thuhet në njoftim.