Katari deklaron se do të vazhdojë të bëjë pagesa për Gazën, pavarësisht reagimeve nga Izraeli

Foto nga arkiva (KEYSTONE/AP Photo/Fatima Shbair)

Ministri i Punëve të Jashtme i Katarit ka deklaruar se vendi do të vazhdojë të bëjë pagesa për Gazën për të mbështetur enklavën, siç ka bërë prej vitesh.

“Ne nuk do të ndryshojmë mandatin tonë. Mandati ynë është ndihma dhe mbështetja jonë e vazhdueshme për vëllezërit dhe motrat tona të Palestinës. Ne do të vazhdojmë ta bëjmë atë në mënyrë sistematike, siç e kemi bërë më parë”, citohet të ketë thënë Mohammed bin Abdulaziz Al-Khulaifi, përcjell CNN.

Deklaratat e tij vijnë pas polemikave në Izrael rreth pagesave për Hamasin, sipas një marrëveshjeje që dikur i shihte diplomatët e Katarit të mbërrinin në enklavë çdo muaj me valixhe që përmbanin 15 milionë dollarë para të gatshme, përcjell albinfo.ch.