Hamasi paralajmëron sulme të forta ndaj Izraelit

Keystone (AP Photo/Fatima Shbair)

Grupi terrorist Hamas ka deklaruar se është ende duke i shkaktuar goditje Izraelit, ndërsa paralajmëroi se “ajo që po vjen është më e madhe”, përcjell albinfo.ch.

Sipas mediave ndërkombëtare, përmes një audio-mesazhi të dhënë Al Jazeera-s, zëdhënësi Abu Ubaida tha se ushtria izraelite “dështoi në veri dhe jug të Rripit të Gazës” dhe se do të dështonte më shumë kur të lëvizte në zona të tjera.

Tutje ai ka thënë se një armëpushim i mëparshëm njëjavor midis dy palëve provoi besueshmërinë, pasi pengjet izraelitë të liruar gjatë asaj periudhe u liruan vetëm me kushtet e Hamasit.

Ndër të tjera, Ubaida shtoi se asnjë peng nuk do të lirohet nëse Izraeli nuk angazhohet në bisedime dhe deklaroi se luftëtarët e Hamasit kanë shkatërruar 180 automjete ushtarake dhe kanë vrarë një numër të madh ushtarësh izraelitë.