Paraburgim për të dyshuarit për grabitjen në Suharekë

Gjykata Themelore në Prizren ua ka caktuar masën e paraburgimit katër të dyshuarve për grabitjen në një argjendari në qytetin e Suharekës.

Për tre prej të dyshuarve ekziston dyshimi i bazuar se në bashkëkryerje kanë kryer veprën e grabitjes, kurse personi i katër akuzohet për mbajtje në pronësi, në kontroll ose posedim të paautorizuar të armëve, njofton gjykata, përcjell KlanKosova.tv.

“Me rastin e caktimit të paraburgimit, Gjykata ka marrë parasysh faktin se rasti është në fazën fillestare të hetimeve dhe do të merren në pyetje të pandehurit e arrestuar, të dëmtuarit dhe dëshmitarët eventualë. Andaj me lënien në liri të të pandehurve ekziston rreziku i posaçëm se të njëjtit do të pengojnë rrjedhën e procedurës hetimore, duke tentuar të ndikojnë në dëshmitarë apo tek të bashkëpandehurit”, thuhet në njoftim, përcjell albinfo.ch.